ЙӘШӘҮ МАҠСАТЫ ТУРАҺЫНДА...

...Минең йәшәү маҡсатым, тип һөйләр алдынан башта Тәбиғәт кешене ниндәй маҡсат менән барлыҡҡа килтергәнен белергә кәрәктер....Ә Тәбиғәт кешене, шулай уҡ бөтә йән эйәләрен дә тереклекте һаҡлау һәм дауам итеү өсөн бар иткән....Бының өсөн, беренсенән, улар нәҫелдәрен дауам итергә тейештәр. Тәбиғәт өсөн кеше менән ниндәйҙер бөжәк тә бер үк кимәлдә....Икенсенән, йән эйәләре үҫемлектәр донъяһы йәшәһе өсөн серетмә (тиҙәк) яһарға, аҙаҡтан үҙҙәре серетмәгә әйләнергә тейештәр. Бына шулай: йән эйәләре үҫемлектәр менән туҡланһа, шулай уҡ үҫемлектәр ҙә йән эйәләре менән туҡлана....Өсөнсөнән, кешеләр, башҡа йән эйәләренән айырмалы рәүештә, аҡыл һәм ижад емеше ҡалдырырға тейеш. Ә бына кешеләрҙең бай йәки ярлы булыуҙары Тәбиғәт өсөн барыбер....Кешеләрҙең йәшәү маҡсаты һанап үткәндәргә ҡаршы килергә тейеш түгелдер. Әгәр ҡаршы килә икән, Тәбиғәт ундайҙарҙан тиҙерәк ҡотолорға тырышасаҡ.

ЙӘШӘҮ МАҠСАТЫ ТУРАҺЫНДА...