Был ҡурҡыу менән нимә эшләргә?

ҠУРҠЫУ - УЛ ҠУРҠЫНЫС ТҮГЕЛ...

Тормошобоҙҙа нимәнелер үҙгәртергә уйлаһаҡ, маҡсат ҡуйһаҡ, берәй эшкә тотонһаҡ, шунда уҡ күңелдә "килеп сыҡмай" тигән ҡурҡыу тыуа. Тыуғас инде, килеп сыҡмаһын өсөн барыһын да эшләргә тотона...

БЫЛ ҠУРҠЫУ МЕНӘН НИМӘ ЭШЛӘРГӘ?
3 КӘҢӘШ

1. Үҙеңде башҡалар менән сағыштырма
Беҙгә йыш ҡына эргәләге кешеләр беҙгә ҡарарғанда аҡыллыраҡ, һәләтлерәк, тәжрибәлерәк, ҡыйыуыраҡ, уңышлыраҡ кеүек тойола. Ә беҙ улар эргәһендә эшкинмәгән бер әҙәм кеүек. Әммә онотмағыҙ: һеҙ шундай уҡ кеше. Эсегеҙҙә ҡурҡыу ғына бар. Һеҙҙең үҙ маҡсаттарығыҙ, уларға ирешеү юлдарығыҙ ҙа үҙегеҙҙеке, башҡаларҙыҡына оҡшамаған. Һеҙ - маҡсаттарға өлгәшергә лайыҡлы айырым шәхес.

2. Хәҙерге үҙеңде элекке үҙең менән генә сағыштыр
Элек ниндәй инегеҙ? Әгәр, ҡурҡып, маҡсатыңа ирешер өсөн бер нәмә лә эшләмәһәгеҙ ниндәй буласаҡһығыҙ? Әгәр, киреһенсә, үҙегеҙҙе ҡулға алып, маҡсатығыҙға ирешһәгеҙ, ниндәй буласаҡһығыҙ? Шул турала уйлағыҙ. Ниндәй булғығыҙ килә? Элеккесәме? Әллә, шулай ҙа, үҙгәргегеҙ киләме?

3. Башҡалар нимә тиер, тип кеше өсөн ҡурҡыуҙан туҡтағыҙ.
Әйтһәләр ни? Улаҙың - һеҙҙә, һеҙҙең уларҙа эшегеҙ юҡ. Һеҙ улар өсөн түгел, үҙегеҙ өсөн йәшәйһегеҙ, үҙегеҙ өсөн эшләйһегеҙ, үҙегеҙ өсөн үҫешәһегеҙ, уларға ярар өсөн түгел.

Ҡыҫҡаһы, бер кемгә лә, бер нәмәгә лә иғтибар итмәгеҙ, үҙ юлығыҙ менән барығыҙ!