Уңайлы мәл етерме?

Беҙ йыш ҡына океан тип хыялланабыҙ, ә шул океан эсендә йәшәп ятҡаныбыҙҙы белмәйбеҙ. Ҡайһы берҙә буй етмәҫлек пландар ҡорабыҙ, уларҙы тормошҡа ашырып, бәхетле булыр өсөн уңайлы мәлде көтәбеҙ. Бер көн килеп йәшәү урынына ығы-зығы менән ваҡыт уҙғарғаныбыҙҙы аңлайбыҙ. Әйтерһең, күп ваҡытты йоҡлап уҙғарғанбыҙ, әйтерһең, тормош беҙҙең эргәбеҙҙән генә үтеп киткән. Һәм аңыбыҙға был уйҙар йыш ҡына олоғайғанда килә.

Шуға ла бер нәмәне лә «аҙаҡ»ҡа ҡалдырмай, бөгөнгө көн менән йәшәргә, бөгөн бәхетле булырға кәрәк. Уңайлы мәл етмәйәсәк
Сөнки УҢАЙЛЫ МӘЛ - УЛ НӘҠ БӨГӨН, ХӘҘЕР ҮК

Һеҙ ризамы был һүҙҙәр менән?

Гөлнара Мостафина