АЙЫҠ БУЛҺЫН ТАБЫНДАР

Айыҡ мәжлестәр ғәҙәти күренешкә, заманса әйткәндә «мода»ға инергә тейеш! Был йәһәттән Юлдыбай ауылында йәшәүсе Ғиндуллиндарға һоҡланырға ғына ҡала. 70 йәшен ҡаршы алыусы уҙаман гармун уйнап яҡындарын йырлы-моңло матур табынға йыйған. Афарин!

--Класташыбыҙ Ғиндуллин Радиктың 70 йәшлек юбилейына йыйылдыҡ. Араҡыһыҙ, эскеһеҙ матур, иҫтәлекле мәжлес булды. Радик дәртле, ихлас итеп гармунда уйнаны. Йырлашып, бейеп, бала саҡ хәтирәләре менән уртаҡлашып, күңелебеҙ булып таралыштыҡ. Уның хәләл ефете Зифаға ҙур рәхмәт, беҙҙе ихлас ҡабул итеп ҡунаҡ иткәненә. Уларға сәләмәтле ҡартлыҡ, күңел тыныслығы насип булһын,--тип яҙа социаль селтәрҙә Флүрә Шәрәфетдинова.

Бик матур, йылы мәғлүмәт. Айыҡ мәжлестәр ғәҙәти күрешнешкә инергә тейеш. Килешәһегеҙме?

Автор:Резеда Валиева