ӘЙТЕГЕҘСЕ, МИҢӘ НИ ЭШЛӘРГӘ?

Редакциябыҙға килгән хат:

Ирем ҡомарлы уйындарҙа уйнай. Илап та, ирешеп тә, айырылам тип тә туҡтата алмайым. “Уның менән үҙеңә һәм беҙгә, ғаиләңә, генә насарлыҡ эшләйһең, барыбер байып китмәйәсәкһең, мин һинең бурыстарыңды ябып арыным”, - тип әйтеп ҡараным. Аңлаған һымаҡ. Башҡа уйнамайым тип һүҙ бирә. Тик тағы аҡсаһыҙ. “Ҡайҙа эш хаҡың?” – тиһәм, фәлән-фәләнгә биреп торҙом ти, йә эш хаҡы тотҡарлана ти. Йоҡлап китһә, телефонын тикшерәм, тағы әллә ниндәй уйындарҙа уйнағанлығы асыҡлана... Арыным. Насар кеше лә түгел, балаларын да ярата. Тик уйындан айырып булмай. Ни эшләйем икән?

Сәләм менән -- Сәриә (исеме үҙгәртелде - редакция).

Фото: интернеттағы асыҡ сығанаҡтан.