Туристарҙы ылыҡтырыр башҡорт ҡымыҙы

Башҡортостан Республикаһы Хөкүмәте Премьер-министры Андрей Назаров: -Күптән түгел Баймаҡ районының Назар ауылында Денис Өмөтбаевтың фермаһында булғайным. Был урында эшҡыуарҙың ғаиләһе оҙаҡ йылдар дауамында ҡымыҙ етештерә. Төбәктә уларҙың файҙалы эсемелеге ҙур һорау менән ҡуллана. Республиканың эшҡыуарлыҡ һәм туризм министрлығына төбәктә гастрономия туризмы булараҡ ҡымыҙ етештереүҙе үҫтереү мөмкинлеген ҡарарға ҡушҡайным. Бөгөн Денис Өмөтбаевты үҙ яныма саҡырҙым. Яҡын арала уның агрохужалығын Урал аръяғы буйынса туристик маршруттарҙың яңы исемлегенә индереүҙе күҙаллайбыҙ. Маршрутҡа шулай уҡ тәбиғәт ҡомартҡылары һәм иҫтәлекле урындар—Ғәҙелша шарлауығы, Талҡаҫ һәм Граф күлдәре, Ирәндек һырты һәм Мөжәүир хәҙрәттең ҡәбере инеүе ихтимал.

Һуңғараҡ беҙ был локцияларҙы “Башҡорт оҙон ғүмерлелеге. Туризм” һәм мәктәп туризмы проекттарына индереүҙе хәстәрләйәсәкбеҙ.

Шулай итеп киләсәктә Баймаҡ районының иң хозур урындарына туристар күберәк ағыласаҡ һәм был тарафтарҙа етештерелгән иң тәмле ҡымыҙҙан ауыҙ итәсәк.

Автор:Гульдар Кадаева