-9 °С
Болотло
Бөтә яңылыҡтар
Экология
30 Май 2025, 09:05
Граф күленә суртан ебәрелә
Бөгөн Граф күленә 21 мең 642 суртан ебәрелә. Был Рәсәй балыҡсылығы етәкселеге менән килешеү сиктәрендә башҡарыла. Белгестәр Граф күленең флораһын һәм фаунаһын алдан өйрәнгән һәм суртан ебәреү мөһимлеген билдәләгән. —Беҙ ҡабул иткән закондарға ярашлы, балыҡтар һатып алыу сығымдарын һыу ресурстарына зыян килтергән предприятиелар түләй. Уҙған йылдың июнендә Балыҡсылыҡ буйынса Федераль агентлыҡ менән килешеү сиктәрендә Йылайыр һыуһаҡлағысына—4 мең, Быҙаулыҡ һыуһаҡлағысына 20 мең суртан ебәрелде. Әле ул суртандар бер килограмға тиклем үҫкән тиҙәр,—тип яҙа социаль селтәрҙә Дәүләт Думаһы депутаты Зариф Байғусҡаров.
Граф күленә суртан ебәрелә
Былтыр Башҡортостандың һыу ятҡылыҡтарына 474 426 уҡбалыҡтар, шул иҫәптән Ағиҙел йылғаһына 60 507 суртан (шуларҙың 24 меңе Йылайыр районында) еберәлгән. Быйыл балыҡтарҙы шул уҡ күләмдә ебәрергә планлаштыралар. Был эш һөҙөмтәһендә Ағиҙелдә уҡбалыҡтар күпләп тарала, популяция тергеҙелә. Улар күбәйгән осраҡта уны Башҡортостандың Ҡыҙыл китабынан алырға ла мөмкин буласаҡ.
—Мәскәү өлкәһенең балыҡсылыҡ хужалығынан суртандар Баймаҡ районына алып киленә. Уларҙы бөгөн, 30 майҙа, 16.00 сәғәттә Граф күленә ебәрәбеҙ. Унда һәр кем ҡатнаша ала. Был хәлгә төбәк халҡы шат булыр, тип ышанам. Һис шикһеҙ, был балыҡтар күлдең экосистемаһына ыңғай йоғонто яһаясаҡ,—тип белдерә депутат.
Новости партнеров