АТАЙСАЛ
-21 °С
Болотло
Антитеррор
Бөтә яңылыҡтар
Экология
28 Август 2020, 11:00

Экологик хәстәр--сәләмәтлек нигеҙе

1 сентябрҙән Бөтөн Рәсәй халыҡ фронты “Экохәстәрлек” проектын башлай. Уға Рәсәйҙең 14 төбәгенән өс меңдән ашыу мәктәп ҡушылыу теләген белдергән.1 сентябрҙә уҡыусылар төрлө оҫталыҡ, экологик дәрестәрҙә ҡатнашасаҡ. Улар тотонолған батарейкалар тапшыра ала. Бының өсөн мәктәптәргә махсус урналар ҡуйыла. Учи.ру онлайн-платформаһында эксперттар “Экология – беҙҙе уратҡан мөхит” дәресен күрһәтәсәк.

1 сентябрҙән Бөтөн Рәсәй халыҡ фронты “Экохәстәрлек” проектын башлай. Уға Рәсәйҙең 14 төбәгенән өс меңдән ашыу мәктәп ҡушылыу теләген белдергән дә инде: Киров өлкәһенән - 55, Ҡурғандан - 56, Һарытауҙан - 35, Удмуртиянан - 50, Түбәнге Новгородтан - 110. Башҡортостандан иһә 180 мәктәп ҡатнашасаҡ.
1 сентябрҙә уҡыусылар төрлө оҫталыҡ, экологик дәрестәрҙә ҡатнашасаҡ. Улар тотонолған батарейкалар тапшыра ала. Бының өсөн мәктәптәргә махсус урналар ултыртыласаҡ. Учи.ру онлайн-платформаһында эксперттар тарафынан әҙерләнгән “Экология – ул беҙҙе уратҡан мөхит” тип аталған дәресте күрһәтеү планлаштырыла.
Сара Федераль экология операторы башланғысы менән үткәрелә. “Экология” милли проектына ярашлы, мәктәптәрҙә 1-се һәм 2-се класс уҡыусылары өсөн ҡаты көнкүреш ҡалдыҡтары менән эш итеү, тәбиғәткә һаҡсыл ҡараш тәрбиәләүгә нигеҙләнгән дәрестәр уҙғарыу ҙа ҡаралған.
Сара барышында йыйылған батарейкаларҙы махсус компаниялар аласаҡ. Мәктәп 12 һауытты тултырғас, махсус компанияға хәбәр итә, улары батарейкаларҙы алып китәсәк.
Сара 2021 йылдың майына ҡәҙәр барасаҡ.
Шуны билдәләп китеү зарур: ошо көндәрҙә Сибай ҡалаһының “Аструм” сауҙа комплексы биләмәһендә лә ҡаты көнкүреш ҡалдыҡтарын айырым йыйыу урындары барлыҡҡа килде. Проектҡа ҡушылған мәктәп уҡыусыларына тотонолған батарейкаларҙы үҙҙәрендә йыйғандан һуң тап шул билдәләнгән урынға ташлау уңайлы ла булыр.
#нацпроекты#миллипроекттар