АТАЙСАЛ
+25 °С
Болотло
Антитеррор
Бөтә яңылыҡтар
Общие статьи
29 Июнь 2021, 11:00

Күк йөҙөндә--самолеттар

Бөйөк Еңеүҙең 76 йыллығына арналған “Башҡортостандың алтын ҡулсаһы” авиаосошо сиктәрендә Сибай ҡалаһында үткән йомала һауа шоуы ойошторолдо. Тамашысалар үҙ һөнәренең оҫталары күктә яһаған төрлө элементтарҙы ҙур ҡыҙыҡһыныу менән күҙәтте.

Бөйөк Еңеүҙең 76 йыллығына арналған “Башҡортостандың алтын ҡулсаһы” авиаосошо сиктәрендә Сибай ҡалаһында үткән йомала һауа шоуы ойошторолдо. Тамашысалар үҙ һөнәренең оҫталары күктә яһаған төрлө элементтарҙы ҙур ҡыҙыҡһыныу менән күҙәтте.
“Башҡортостандың алтын ҡулсаһы” республика акцияһында ҡатнашыусылар сибайҙарға ысын мәғәнәһендә сағыу авиацион шоу бүләк итте. Аэропорт биләмәһендә ул көндө баҫырлыҡ урын булманы: тамашасылар осоу аппараттарының һәр сығышын ихлас күҙәтте. «Ромб», «уҡ», «клин», «этажерка» һәм иң аҙаҡтан яһалған «ләлә» фигураларын летчиктар бик оҫта яһаны. Сибайға ул көндө Первушино аэродромынан бәләкәй авиацияның ике урынлыҡ 6 самолеты, атап әйткәндә ике «Саванна», «Роланд», «Бекас», «Текнам» һәм «Мауль» самолеттары осоп килде. Үҙенсәлекле һауа шоуынан һуң летчиктар ҡалалаштар һәм ҡунаҡтар менән фото төштө, автографтар бирҙе. Шәмбе улар Хәйбулла районының Аҡъяр ауылында сығыш яһаны.
Автор:Гульдар Кадаева