Баймаҡта балалар Һабантуйы гөрләне

«Граф» күле янында тағы ла бер күркәм байрам - балалар Һабантуйы гөрләп үтте. Баймаҡта район мәғариф бүлеге, мәғариф учреждениелары һәм өҫтәмә белем биреү ойошмалары ҡатнашлығында балалар өсөн Һабантуй байрамын үткәреү матур йолаға әйләнде.

Байрам сараһында Башҡортостан Республикаһы хөкүмәтенең Премьер-министры урынбаҫары А.Ш. Бадранов, Башҡортостан Республикаһы Дәүләт Йыйылышы — Ҡоролтай депутаты Г.Г.Ҡолһарина, Баймаҡ районы хакимиәте башлығы Ф.Г. Әминев һәм башҡа мәртәбәле ҡунаҡтар ҡатнашты. Уларҙы Баймаҡ ҡалаһының 4-се лицей уҡыусылары ҡаршы алды.

Ҡунаҡтар төрлө милли уйындар майҙансыҡтарын ҡараны, йәш таланттар менән танышты.

Һабантуйҙа балаларҙа, йәштәр ҙә рәхтләнеп уйнаны, конкурстарҙа ҡатнашты, йырланы, бейене, яҡшы кәйеф менән өйҙәренә таралышты.