Ихаталарға иғтибар кәмемәй

Баймаҡ ҡалаһында быйыл “Торлаҡ һәм ҡала мөхите” милли проекты сиктәрендә күп фатирлы йорттар ихатаһында 4 биләмә төҙөкләндереләсәк. Районға 35,1 миллион һум аҡса бүленгән, был уҙған йылға ҡарағанда 2 тапҡырға күберәк. Бынан алдағы йылдарҙа "Башҡорт ихаталары" Баймаҡта тулыһынса сифатлы башҡарыл4ан. Проекттарҙа йәшелләндереү, балалар һәм спорт майҙансыҡтары булдырыуға ҙур иғтибар бүленә, ихата юлдарына асфальт түшәү һәм ремонтлау, бордюрҙарҙы алмаштырыу, өҫтәмә парковка урындары булдырыу, яҡтыртыу системаларын яңыртыу ҡаралған. Программаға Әлибаев урамының 49-сы, Тыныслыҡ урамының, 17-се, 19-сы, 21-се, 23-сө, Юбилейный урамының 2-се, 4-се йорттары ихаталары индерелгән.