Йылылыҡ бүләк ит

28 декабргә ҡәҙәр Сибай ҡалаһындағы «Ғаилә» үҙәге мохтаждарға ярҙам күрһәтеү маҡсатында «Йылылыҡ бүләк итәм» акцияһы ойоштора. Бының өсөн йөн ойоҡ, бейәләй, шарф, шәл кеүек йылы әйберҙәр бәйләп йәки һатып алып үҙәккә (Островский, 30, 13-сө бүлмә) илтергә кәрәк. Йыйылған бүләктәр ололарға, яңғыҙ көн итеүселәргә һәм приют балаларына таратыла. Белешмәләр өсөн телефон: (34775) 5-90-64.