Йәнтештәр - Ейәнсурала

Хәйбулла районының Йәнтеш ауылы әүҙемселәре Ейәнсура районында үткән "Үҙебеҙҙекеләрҙе ташламайбыҙ" ирекмәндәр фестивалендә ҡатнашып, оҫталыҡ дәресе үткәргән. Улар арҡан ишеү һәм дронға ҡаршы ҡорған үреп күрһәткән.Шулай уҡ йәнтештәр махсус хәрби операциянан ваҡытлыса ялға ҡайтҡан ир-егеттәргә алғы һыҙыҡҡа үҙҙәре менән алып китеү өсөн дронға ҡаршы ҡорғандар бүләк иткән.

Ейәнсура ирекмәндәре "Беҙ үҙебеҙҙекеләрҙе ташламайбыҙ!" сыҡырыуы аҫтында эшләй. Был хаҡта республика Башлығы Радий Хәбиров та социаль селтәрҙәге сәхифәһендә уртаҡлашты.

- Мобилизацияланғандарҙың туғандары күрһәтелгән иғтибарҙан ҡәнәғәт һәм уларға ярҙам өсөн рәхмәт белдерә.

Иҫегеҙгә төшөрәбеҙ, М.М. Шайморатов исемендәге штабтың Ейәнсура районындағы бүлексәһе Иҫәнғол ауылы, Совет урамы, 5-се йорт, 114-се кабинет адресы буйынса урынлашҡан. Ҡыҙыу бәйләнеш телефоны – 89273006447, – тип яҙған Радий Фәрит улы.

Белеүебеҙсә, “Берҙәм Рәсәй” партияһы майҙансығында М.М. Шайморатов исемендәге Ирекмәндәр штабы Башҡортостан Башлығы, “Берҙәм Рәсәй” партияһының төбәк бүлексәһе секретары Радий Хәбировтың ҡушыуы буйынса асылды. Ул “Берҙәм Рәсәй” партияһының Башҡортостан төбәк бүлексәһе һәм урындарҙағы партия бүлексәләре офистарында эшләй.