Шулай ҙа был байрамдың иң тулҡынландырғыс өлөшөн яу юлында йөрөп, кисә генә ҡыҫҡа ваҡытлы ялға ҡайтҡан егетебеҙ Илдар Муллағәләмов әҙерләгән ине. Ул байрамға килгән һәр бер әсәйгә сәскә гөлләмәһе ебәргән. Гөлләмәләрҙе батырҙың әсәһе Гөлнәзирә апай алып килде. Егеттәр зал буйлап сәскә таратҡан ваҡытта байрамға килгән әсәйҙәр ирекһеҙҙән тәгәрәгән күҙ йәштәрен тыя алмай аҙапланды.
Бына шундай күңелле лә, тетрәндергес тә байрам булды бөгөн Яратта,--тип хәбәр итә "Атайсал" гәзите редакцияһына Ярат мәктәбе директоры Миләүшә Юлдашбаева.