Йәшлек байрам итә!

Бөгөн – Студенттар көнө

2023 йылда «Башҡорт баҡыры» йәмғиәте йүнәлтмәһе буйынса техник университеттарға 5 кеше уҡырға ингән. Быйыл иһә уҡыуҙарын тамамлап эшкә ҡайтырға йөрөүселәрҙе тау тоҡомдарын эшкәртеү предприятиеһында ҙур түҙемһеҙлек менән көтөләр. Эмиль Садартынов электр энергетикаһы буйынса белгестәр рәтен тулыландырасаҡ. Вилдан Түләбаев таусыларға ҡушылһа, Илнур Байғотлин технологик процестарҙы автоматлаштырыу тармағында алыштырғыһыҙ йәш белгес буласаҡ.