ӘФЛИСУНЛЫ ЙОМШАҠ ПЕЧЕНЬЕ
Кәрәк: —2 стакан он
—1 йомортҡа
—50 г аҡ май
—3 аш ҡалағы ҡаймаҡ
—80 г шәкәр
—1/2 сәй ҡалағы сода
—семтем тоҙ
Эслек өсөн:
—1 әфлисун
—160 г шәкәр
—1 аш ҡалағы крахмал
Әҙерләү:
- Майҙы шәкәр ҡушып иретергә, ҡаймаҡ, йомортҡа, сода, тоҙ, он ҡушырға. Ҡамыр әҙер булғас, пленкаға урап һыуытҡысҡа һалып торорға.
- Әфлисунды киҫәктәргә бүлеп, орлоғон алғас, блендерҙа тышы менән бергә иҙергә, бер юлы шәкәр, крахмал ҡушырға.
- Ҡамырҙы сығарып, йәйеп, уға эслекте тигеҙ итеп йәйергә лә, рулет һымаҡ итеп урарға. Уны һыуытҡысҡа бер аҙға оҙатығыҙ. Унан киҫәктәргә 3 см тирәһе ҡырҡып, майлы табаға теҙеп һалығыҙ.
- 220 градуслыҡ мейестә 15-20 минут бешерегеҙ.
Сәйегеҙ тәмле булһын!