"Йәгеҙ әле,егеттәр!"
Баймаҡ районының Басай ауылы клубы алдында Ватанды һаҡлаусылар көнөнә арналған матур байрам ойошторолдо. Сара "Йәгеҙ әле,егеттәр!" ярышы менән башланып китте.
- Граната ташлау,балыҡ тотоу,күмәкләп саңғы йөрөү кеүек ярыштар бик күңелле булды.Ир-егеттәр сәкән һуғып та алды. Ярышты тамамланыуға ҡатын-ҡыҙҙар һалдат бутҡаһы бешереп,өҫтәл әҙерләп,концерт номерҙары менән ихлас ҡотланы.
Был байрамды ойоштороуҙы ауыл старостаһы Сафин Айҙар үҙ өҫтөнә алды: командалар туплау,ярыш урынын әҙерләү,бүләктәр хәстәрләү уның иңенә төштө. Сараны ойошторорға ярҙам итеүсе эшҡыуар Яҡупов Фәнискә басайҙар ҙур рәхмәт белдерҙе.