АТАЙСАЛ
-19 °С
Болотло
Антитеррор
Бөтә яңылыҡтар
Байрамдар
12 Ноябрь 2019, 16:18

Мәүлит байрамы үтте

Ауылдарҙа иман йорттары асылып, һәр дини байрамдың үҙ ваҡытында үтеп тороуы маҡтауға лайыҡ. Хәйбулла районының Иҫәнгилде ауылында урынлашҡан “Әл-Хәм” мәсете лә был йәһәттән әүҙем. Унда яңы башланып торған Мәүлит айы айҡанлы сара булып уҙҙы.

Ауылдарҙа иман йорттары асылып, һәр дини байрамдың үҙ ваҡытында үтеп тороуы маҡтауға лайыҡ.
Хәйбулла районының Иҫәнгилде ауылында урынлашҡан “Әл-Хәм” мәсете лә был йәһәттән әүҙем. Унда яңы башланып торған Мәүлит айы айҡанлы сара булып уҙҙы.
Мөхәммәт пәйғәмбәр 63 йәшендә тыуған көнөндә яҡты донъянан китә. Был айҙа ҡылған изге ғәмәлдәрҙең әжере мәртәбәлерәк, ә байрам үткәргән һәр йортҡа, һәр кешегә ҙур сауап була тип иҫәпләнә. Мәсеттең имамы Ринат хәҙрәт Антипов, уға терәк-таяныс булып тороусы муллалар—Наил Итбаев, Төхбәтулла Ҡансурин, Мөхтәр Шәрипов, йәш кенә булыуына ҡарамаҫтан, ғаиләһе менән иман юлында булыусы Заһир Байгилдин, ауыл старостаһы Иршат Айытбаевтар тарафынан Мәүлит уҡылды. Һуңынан өгөт-нәсихәт тыңланылды. Һәр ваҡыттағыса әүҙем ауыл килендәре мул сәй табыны ойошторҙо. Сараға килеүселәр рухланып, күңелдәрен байытып таралышты.