-15 °С
Болотло
Бөтә яңылыҡтар
Ауыл хужалығы
17 Сентябрь 2025, 10:50
Бер туғандар ярышып иген ура
Йылайыр районының Матрай ауылындағы Кристина Аптикованың крәҫтиән-фермер хужалығы төбәктә эшләп килгән эре ауыл хужалығы предприятиеларының береһе. Фермер 10 йылға яҡын эшләү дәүерендә мал үрсетеү, һөт һәм һөт ризыҡтары етештереү, иген һәм ашлыҡ культуралы үҫтереү менән шөғөлләнә. Хужалыҡта 150 баштан ашыу һыйыр малы, йылҡы, һарыҡ аҫрала. «Аптикова К.А.» йәмғиәтендә шулай уҡ һөт, май, ҡаймаҡ, эремсек, сыр етештерелә. 2022 йылда крәҫтиән-фермер хужалығы «Ғаилә фермаһы» дәүләт программаһында ҡатнашып ярҙам алған. Грант аҡсаһына һөт етештереү буйынса модулле цех төҙөгән. Әле хужалыҡта ҡыҙыу эше мәле—урып-йыйыу эштәре дауам итә. «Полесье» комбайында ағалы-ҡустылы Әсхәт һәм Миҙхәт Собханғоловтар икһеҙ-сикһеҙ баҫыуҙарҙа иген ура.
Бер туғандар ярышып иген ура
Тәжрибәле механизаторҙар бер быйыл ғына бергә эшләмәй. Бер туғандар эштә лә, тормошта ла бер-береһенә иң ҡуйырға күнеккән.Тағы шуныһы: улар игенде шундуҡ саба. Йәғни, элеккесә башта яҫмаларға һалып, артабан һуғып, бункерға тултырмай. Башаҡтырҙы сабып та, һуғып та барыу ысулы эште күпкә тиҙәйтә. Сөнки көндәр ҡоро торғанда һәр сәғәт кенә түгел, хатта минут ҡәҙерле. Быны комбайнсылар яҡшы аңлай һәм үҫтерелгән уңышты юғалтыуһыҙ йыйып алыу өсөн барлыҡ тырышлығын һала.
Бер туғандар ярышып иген ура
Новости партнеров