Бөтә Рәсәй ауыл хужалығы биотехнологиялары фәнни тикшеренеүҙәр институтында гендар үҙәге үҙ ишектәрен асты. Унда ғалим-генетиктар беҙ көн һайын туҡланған үҫемлектәр менән эш итә. Мәҫәлән, маркер һәм ген селекцияһы лабораторияһында бойҙай һәм тритикаленең яңы сортын – бойҙай менән арыш ҡушымтаһын яһайҙар.
Стрестарға ҡаршы тороу лабораторияһында картуфтың төрлө сорттарының 30–60% уңышты кәметкән Y вирусына ҡаршы тороуын нығыталар.
Гендарҙы редакторлау технологиялары ярҙамында тикшеренеүселәр тамырлы бактериозға бирешмәгән күсәнле һәм төҫлө кәбеҫтә төрҙәрен уйлап сығара.
Фото: асыҡ сығанаҡтарҙан.