АТАЙСАЛ
-11 °С
Болотло
Антитеррор
Бөтә яңылыҡтар
Ауыл хужалығы
12 Март 2020, 11:05

МИНИТРАКТОР ОТОРҒА ТЕЛӘЙҺЕГЕҘМЕ?

"АгроКомплекс" күргәҙмәһе сиктәрендә отош үткәрелә. Тулыраҡ беҙҙең сайтта уҡығыҙ.

17 марттан 20 мартҡа тиклем Өфө ҡалаһында “АгроКомплекс” халыҡ-ара күргәҙмәһе һәм Агросәнәғәт форумы үтә. Был күргәҙмә тәү ҡат бынан 30 йыл элек ойошторолған.
“Агрокомплекс”та йыл да эре агрохолдингылар, ауыл хужалығының кесе һәм урта предприятиелары ҡатнаша. Сит илдәр үҙ экспозицияларын тәҡдим итә.
Юбилей күргәҙмәһенә ауыл хужалығы техникалары, ветеринария, малсылыҡ, үҫемлекселек һәм башҡа махсус йүнәлештәге технологиялар ҡуйыла, финанс, агростраховка йәһәтенән дә бүлектәр эшләй.
Шулай уҡ иң яҡшы техникаға, ҡоролмаға, заманса технологияны өйрәнеүгә, ауыл хужалығының яңы сорттарына, иң яҡшы продукцияға конкурстар үтә. Еңеүселәргә алтын, көмөш һәм бронза миҙалдар бирелә. Урындағы фермерҙар тарафынан йәрминкә лә ойошторола.
Форум сиктәрендә пленар ултырыш һәм секция эштәре үтәсәк. Тәү тапҡыр Инвесторҙар клубы кәңәшмәһе лә уҙғарыла. Умартасылыҡ продукцияһына, хәләл аҙыҡтарға арналған секциялар ҙа эшләйәсәк.
Сараға килеүселәр—ауыл хужалығы өлкәһе белгестәре араһында отош уйнатыла. Төп приз—минитрактор.
Тулыраҡ мәғлүмәтте форумдың рәсми сайтында табырға була: www.agrobvk.ru