-7 °С
Ҡар
Бөтә яңылыҡтар
Һаулыҡ һаҡлау
30 Июль 2025, 15:45
Меңъяпраҡ— һалдат үләне
Беҙҙең аяҡ аҫтында шифалы үләндәр бик күп, тик беҙ уларҙың ҡәҙерен белеп бөтмәйбеҙ. «Һалдат үләне» тип нарыҡланған меңъяпраҡтың ҡанды тиҙ арала туҡтата алыу һәләтен беләһегеҙме әле? Эйе, ҡан ағышын туҡтатыр кәрәк булғанда (эске һәм тышҡы ҡан ағышын) нәҡ уны ҡулланғандар. Бынан тыш, асыҡ сей яраны, бауыр һәм бөйөр эшмәкәрлеге боҙолғанда, энурезды, аденоманы, гайморитты һәм тымауҙы дауалағанда файҙаланалар.
Меңъяпраҡ витамин-дарға, аминокислоталарға, органик кислоталарға, эфир майҙарына, микро-элементтарға бай. Унан әҙерләнгән ванна тынысландыра, тәндәге артыҡ һыуҙы ҡыуып сығара, нер-вы системаһын нығыта, яраларҙы уңалта. Шулай уҡ тән тартышҡанда, тире ауырыуҙарынан фай-ҙаланыла.
Киҙеү мәлендә, һалҡын тейгәндә, гастрит, энтерит, ашҡаҙан-эсәк тракты сирҙәре йонсотҡанда ҡулланырға кәңәш ителә. Ҡан баҫымын да төшөрә. Артыҡ тән ауырлығын кәметергә ярҙам итә.
Был үлән ирҙәр һаулығы өсөн дә, ҡатын-ҡыҙҙар сәләмәтлеге өсөн дә файҙалы. Мәҫәлән, гүзәл заттарға менопауза ваҡытында һәм күрем күп булғанда меңъяпраҡ сәйен эсергә кәңәш ителә. Сәй түбәндәгесә эшләнелә: 1 аш ҡалағы ҡоро үләнгә 250 грамм ҡайнар һыу ҡойоп, 1 сәғәт төнәтәләр. Унан һөҙөп алалар. Бындай сәйҙе көнөнә өс тапҡыр ашарҙан 30 минут алда эсергә кәрәк.
Меңъяпраҡтың яңы һығыл-
ған һутын, ҡайнатылған һәм спиртта әҙерләнгән төнәтмәһен файҙаланырға мөмкин. Тик мотлаҡ табип менән кәңәшләшергә һәм сама тигән нәмәне онотмаҫҡа кәрәк.
Новости партнеров