Профком рәйесе 22 йыл дауамында медицина хеҙмәткәрҙәренең балаларын мәктәпкә әҙерләргә ярҙам итә

Сибай үҙәк дауаханаһы һаулыҡ һаҡлау учреждениеһының профсоюз комитеты медицина хеҙмәткәрҙәренең 1-се класҡа уҡырға барасаҡ балаларына бүләккә мәктәп кәрәк-яраҡтары һалынған сумка әҙерләп тапшырҙы. -Буласаҡ уҡыусылар һаны быйыл 58. Шуларҙың - 31 -е ҡыҙ, 27- һе малай. Балаларға ла, ата-әсәләргә лә уңыштар, түҙемлек теләйем, - тине профком рәйесе Басир Шәрипов. Профком рәйесе, Сибай башҡорттары ҡоролтайы ағзаһы Басир Марат улы хәҙер яңғырауыҡлы “Мәктәптә әҙерләнергә ярҙам ит” акцияһын быйыл 22-се тапҡыр ойошторҙо.

Дөйөм алғанда Басир Шәрипов аҡ халатлыларҙың профсоюз комитетын ирекле рәүештә 25 йыл етәкләй. Республиканың медицина учреждениеларында сирек быуат был вазифаға тоғро ҡалған берҙән-бер рәйес булыуы ла уның эшмәкәрлегенең тотороҡло булыуын раҫлай.