Прививканан түгел, сирҙән ҡурҡығыҙ

Хәйбулла районының үҙәк дауаханаһына коронавирусҡа ҡаршы вакцинаның икенсе компонентын һәм һәм уны эшләтеүселәргә тәғәйенләнгән айырымланыу билдәләре ҡайтарылған. Аҡъяр поликлиникаһында һәр теләгән кеше бушлай үҙебеҙҙең илдә етештерелгән --«Спутник V» вакцинаһын эшләтә ала. Препарат ике компоненттан тора, шуға күрә COVID-19 сиренә ҡаршы прививка ике этаптан яһала, --ти үҙәк район дауаханаһы табибы Илшат Рысҡужин.—Мәкерле сир аяҡтан йыҡмаһын тиһәгеҙ поликлиниканың 16-сы кабинетына килеп вакцина эшләтегеҙ. Шулай уҡ ауылдарҙың табип амбулаторияларында, фельдшер-акушер пункттарында ла прививка яһатырға мөмкин.