“Аструмда” прививка һалдырыу пункты эшләй

Сибай ҡалаһы «Аструм» сауҙа комплексында COVID-19-ҙан вакцина һалдырыу мобиль пункты эшләүен дауам итә. 8-9 апрелдә 18 йәштән өлкән граждандар Гам-Ковид-вак (Спутник V) привикаһын эшләтеү өсөн Зәки Вәлиди 42/1 17-се пунктҡа мөрәжәғәт итә ала.

Прививкаға алыуға алдан яҙылыу кәрәкмәй, бында сират буйынса ҡабул ителә. Тик үҙең менән паспорт, медицина страховкалау полисы һәм СНИЛС булырға тейеш. Пункта шәфҡәт туташтары: Елена Сәлихова һәм Дилара Бикбулатова эшләй. Улар мөрәжәғәт итеүселәргә анкета һәм мәғлүмәт менән танышыу, прививка алыуға ризалыҡ документтарын тултырырға ярҙам итә. Сәләмәтлек үҙәге табибы Зөһрә Байбулова кешенең һаулыҡ торошон: ҡан баҫымын, тән температураһын, тамаҡ, танауҙы ныҡлы тикшергәндән һуң ғына вакцинацияға рөхсәт бирелә.