Сибай урамдарына асфальт түшәлә

Сибай юлсылары Крупская урамы осондағы юлды рәтләп бөтөп, Тыныслыҡ урамын төҙөкләндерә башланы.   

Юлдың был өлөшөн эшселәр ике аҙна дауамында рәтләне. Хәҙер улар Крупская урамы менән киҫелешкән Тыныслыҡ урамына асфальт йәйә башланы. Был урамда юлдың 8 мең квадрат метр арауығы төҙөкләндерелә.

-Тыныслыҡ урамында тротуар һалыу ҡаралмай, йәмәғәт урыны - автобус туҡталышы булған ерҙә генә юл бер аҙ киңәйтеләсәк, тине «Сибайдорстрой» йәмғиәте директоры урынбаҫарыАлександр Елизарьев 

Әлеге көндә Тыныслыҡ урамының ремонт барған өлөшө ябыҡ. Атап әйткәндә Крупская урамынан алып Заречная урамына ҡәҙәр аралыҡта хәрәкәт итеү тыйылған. Маршрут автобустары ремонт эштәре бөткәнсе юлды урап йөрөргә мәжбүр.