Сибай ЗАГС-ында ремонт бара

Йәй – ял осоро ғына түгел, ремонт яһау өсөн дә уңайлы мәл. Сибай ҡалаһының ЗАГС бүлеге бинаһының эске йөҙөн үҙгәртеү, яңыртыу буйынса эштәр башланып тора. Башҡортостан Республикаһының Дәүләт Йыйылышы-Ҡоролтай депутаты Денис Назаров тәҡдиме һәм ярҙамы менән ҡаланың ЗАГС бүлегенең эске йөҙөн яңыртыу башланған. Атап әйткәндә, никах теркәлгән тантана залы, кейәү һәм кәләш бүлмәһе, холл һәм гардероб тулыһынса үҙгәртелә. Йәй башында ремонт эштәре башланып, эшселәр бина эсен биҙәүгә һәм яңыртыуға тотонған да инде.

ЗАГС бүлеге начальнигы Айгөл Бохарбаева әйтеүенсә, ремонтҡа бәйле никахтарҙы теркәү тантаналары ваҡытлыса “Урал аръяғы” сауҙа үҙәгенең конференц залында уҙғарыла.

Ремонт эштәрен алып барған подрядсы ойошма етәкселеге иһә сибайҙар һәм ҡала ҡунаҡтары яңыртылған бинала граждандар хәле акттарын теркәүҙең ғәҙәттәге рәүешенә сираттағы ай баштарында ғына өмөт итә ала.

ЗАГС бүлегендә ремонт булыға ҡарамаҫтан, “Демография” милли проекты сиктәрендә эшләүҙәрен дауам итәләр.

Быйылғы 5 айҙа бүлектә 822 граждандар хәле тураһында акттар теркәлгән. Шуларҙың 253-сө бала тыуыу тураһында яҙма. Былтырғы осор менән сағыштырғанда был һан 24-кә аҙ. 5 ай эсендә 109 яңы ғаилә барлыҡҡа килгән. Был һан да былтырғыға ҡарағанда 7-гә кәм.

Автор:Гульдар Кадаева

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин