Ғибәҙәтхана төҙөткән

«Атайсал» проекты ярҙамға килә

Районды иң бәләкәй тораҡ пункттарының береһе һаналған Новопокровск утарында йәшәгән Геннадий Юрьевич Козлов тураһында булыр һүҙебеҙ.
Быйыл ул утарында бәләкәй сиркәү, дөрөҫөрәге ғибәҙәтхана төҙөп ултыртты. Ыҡсым ғына итеп эшләнгән был йорт юлаусыларҙы үҙенә әллә ҡайҙан саҡырып ултыра. Бөгөн уның эргә-тирәһен төҙөкләндереү эштәре дауам итә.
– Часовня төҙөү – бәләкәй Тыуған ереңә ярҙам итеү ул. Был эш «Атайсал» проектын тормошҡа ашырыуҙың сағыу миҫалы. Ауылдаштарыбыҙға ярҙам иткән төрлө ауылдарҙан һәм ҡалаларҙан сыҡҡан кешеләр арҡаһында йәшәгән еребеҙ үҙгәрә, уларҙа тормош уңайлыраҡ була бара. Яҡташтарыбыҙҙың тыуған илен онотмауына һәм уны төҙөкләндереүгә өлөш индереүенә сикһеҙ шатмын, – тип белдерә район хакимиәте башлығы Борис Мелкоедов.