Еңеүҙең малы мәнфәғәтле, даны оҙон ғүмерле булһын!

Хәйбулла районы хакимиәте башлығы Рөстәм Шәрипов вәзәмдәрҙе “Айыҡ ауыл” конкурсында еңеүҙәре менән ҡотланы. -Хәйбулла районының Вәзәм ауылы - баш ҡаланан иң алыҫ урынлашҡан төбәк. Әммә үҙенең берҙәмлеге менән төпкөл ауыл халҡы мәртәбәле конкурста ҙур еңеү яулауға өлгәште, -- тип яҙҙы Рөстәм Динислам улы үҙенең сәхифәһендә.

Өфөләге тәбрикләү сараһына конкурс шарттары буйынса бәләкәй делегация ғына барһа, бөгөн беҙ Бәләкәй Арыҫланғол клубында бөтә ауыл халҡын ҡотланыҡ. Сөнки тап улар - яуланған еңеүҙең төп геройҙары, ауылдың бөгөнгөһө һәм киләсәге һәм районыбыҙҙың йөҙө. Вәзәмдәр артабан да ошо еңеүҙәренә лайыҡлы булып йәшәүҙәренә иманым камил.Тағы ла бер тапҡыр уларҙы ихлас ҡотлайым, еңеүҙең малы мәнфәғәтле, даны оҙон ғүмерле булһын!

Еңеүҙең малы мәнфәғәтле, даны оҙон ғүмерле булһын!

Автор:Гульдар Кадаева