Кисен иҙән һепермә, фәҡирлек килер.

Элек өләсәйҙәр һөйләгән тормош- көнкүреш  тыйыуҙарының хаҡ булыуына ғүмер үткән һайын нығыраҡ инанаһың. Ә һеҙ ниндәй тыйыуҙар ишеткәнегеҙ бар?

 - Төнөн көҙгөгә ҡарарға ярамай. Йоҡо бүлмәһендә көҙгө булырға тейеш түгел, ул кешенең көсөн һура.

-Төш күрһәң изгегә юрарға кәрәк. Төштөң муйыны ҡыл кеүек, ҡайһылай борһаң- шулайға китә, ти халыҡ аҡылы. Сит кешегә лә һөйләргә ярамай төштө.

-Аҡты( һөттө) көн байығас кешегә бирмә- һыйырыңа зыян килер.

- Аҡсаны кис, ҡояш байығас, кешегә бирмәйҙәр- бәрәкәте китә.

-Ҡул арты ауыр кешегә мал, йә ҡош- ҡорт бирмәйҙәр, бирһәң уңмай, ҡото китә.

-Кисен иҙән һепермә, фәҡирлек килер.

-Эңер төшкәс, ҡояш байығас, бысраҡ һыу ҙа, сүп- сар ҙа түкмәйҙәр, бәрәкәт китә.

Бәйләнештәге "Ҡатын-ҡыҙҙың ҡырҡ сырағы" төркөмөнән.