Автобустар ҡайтты

Башҡортостан башлығы Радий Хәбиров республиканың мәғариф учреждениеларына автобус асҡыстары тапшырҙы. Өр яңы 19 урынлыҡ ҙур автобустар Хәйбулла районы Аҡъяр ауылының 1-се һәм 2-се урта мәктәптәренә ҡайтарылды. Шулай уҡ 11 урынлыҡ Газель микроавтобусы Подольск ауылы мәктәбенә ебәрелде.

Бөгөнгө көндә Аҡъяр ауылы мәктәптәренә автобустар 1500-гә яҡын уҡыусыны ташый. Яңылары ауылдың яңы микрорайондарынан балаларҙы ташыу өсөн бик уңайлы буласаҡ.