Баймаҡта “Тимур командаһы” эшләй

Халыҡ–ара ололар көнө уңайынан Баймаҡ районының бар мәктәптәрендә лә мәрхәмәтлек декаднигы уҙғарыла. Декадник сиктәрендә “Хәстәрлек” акцияһына ҡушылып мәктәп уҡыусылары өлкән быуын вәкилдәренә өйҙәрендә ярҙам итә: картуфтарын алыша, түтәлдәрҙе тәрбиәләй, ярылған утындарын өйәләр, йорт-ҡура территорияһын йыйыштыралар. Бынан тыш, класс сәғәттәрендә “Изегелек һәм хәстәрлек” дәрестәре уҙғарыла, инша, һүрәт конкурстары ойошторола.

Ололарға һәр кемебеҙҙән тик иғтибар һәм ихтирамлы булыу ғына кәрәк. Шуға күрә баймаҡтарҙан миҫал алып, һәр кемебеҙ ярҙамға мохтаж өлкән кешеләргә ярҙам күрһәтәйек.