Ишбирҙеләр һәр саҡ әүҙем

Баймаҡ районының Ишбирҙе ауылында ла һайлау эштәре гөрләй. Был ауылдың әүҙемлеге менән айырылып торған халҡы һайлауҙа дәррәү ҡатнаша.

"Дарман" йыр ансамбле һәм "Хәтирә" фольклор ансамбле солистары сараға йәм өҫтәп сағыу-сағыу кейемдәрҙә бергәләшеп килгән. Мәктәп коллективы ла дәррәү генә һайлауға ҡушылған.

Бөтә ғаиләләре менән тауыш бирергә килеүселәр ҙә етәрлек. Оло йәштәгеләр ҙә һайлауҙан ситтә ҡалмаған.