тӨҪ ҠАЙҘА?

«Башҡалар араһында башҡалар кеүек булырға тейешбеҙ», тибеҙ ҙә, үҙ төҫөбөҙҙө юғалтабыҙ йыш ҡына...
– Башҡаларҙың (к)өйө бар – минеке лә булһын...
– Башҡаларҙың (теле)фоны бар – минеке лә булһын...
– Башҡаларҙың (б)аҡсаһы бар – минеке лә булһын... – тибеҙ ҙә, йәнә-йәнә нимәгә булһа ла тотонабыҙ... Эш ҡыйратабыҙмы, әллә үҙебеҙҙе шулай ҡыйратабыҙмы - бөтмәҫ-төкәнмәҫ маҡсат-хыялдарҙы алдыбыҙға бейек-бейек тауҙар итеп өйәбеҙ ҙә «башҡалар араһында башҡалар кеүек булһын», тигәндән генә күңелебеҙ түрендә яҙа-йоҙа моронлаған уй-ниәттәрҙән ашыҡ-бошоҡ ҡоршалған үрҙәргә артылыуы үтә лә хәүефле икәнен аңлағандан бәлки, шул тауҙарҙы ҡабалан-ҡарһалан кире аҡтара башлайбыҙ шикелле.
Йәл... Мәғәнәһеҙгә түгелгән көс йәл...
Йәнә, әлеге лә баяғы тауҙарҙы ғына түгел, ғөмүмән, нимәне булһа ла киренән тиргәндә мотлаҡ юҡҡа сығасаҡ (т)өҫ йәл...

РӘМИЛӘ ТОРОМТАЕВА.