Ялҡытҡыс ҡунаҡ. Хикәйәт

Бер кеше үҙенең таныштарына ҡунаҡҡа килә. Хужалар уны һөйөнөп ҡаршы ала, ҡосаҡлаша, хәл-әхүәл һораша. —Кәләш, ҡунаҡҡа аш әҙерлә, кофе ҡайнат, шарап ҡой,—ти йорт хужаһы.Аш өҫтәле артында оҙаҡ һөйләшәләр. Һаулыҡтары, бала-сағалары тураһында һорашалар.—Кәләш, ҡунаҡҡа йоҡлау өсөн урын әҙерлә,—ти хужа.Хужабикә түшәк кәрәк-яраҡтары сығара. Матрас өҫтөнә юрған, яҫтыҡ һала.Шулай бер аҙна үтә. Хужалар яҫтыҡты ала. Ике аҙнанан юрған алына, өс аҙнанан—матрас.Дүртенсе аҙнаһына ҡунаҡ ҡайтырға йыйына башлай. Хужалар:—Нишләп ҡайтаһың, үпкәләнеңме әллә—тип һорай.—Юҡ, һеҙ мине үпкәләтмәнегеҙ, бер насарлыҡ эшләмәнегеҙ, һеҙ яҫтыҡты алғас та мин ҡайтырға тейеш инем,—тип яуап бирә.