Зәңгәр шар

Хәтеремдә һаман, бала саҡтаҺауа шарым осто елдәрҙә.Зәңгәр генә шарым Баймаҡ буйлапОсто,осто…илап, тәгәрләп.Ятып ҡалдым, ҡулдарымды һуҙып,Ә шар осто һаман шәберәк,Ҡабат торам, ҡабат йүгерәмен,Ул шар миңә шундай ныҡ кәрәк.Терһәк ҡанай, терһәк һыҙырылған,Әллә осто минең өлөшөм.Тотторманы, ел бик көслө ине,Ә кешеләр торҙо көлөшөп…Хәтеремдә һаман: бала саҡтаШар артынан илап йүгерҙем.Шул шар менән осҡан һымаҡ булдыКиләсәгем, барлыҡ ғүмерем.Шул шар менән минең бәхет осҡан,Ҡулдарымдан киткән ысҡынып.Әле һаман зәңгәр шарҙы ҡыуам,Илағылар килә ҡысҡырып.Йөрәк ҡанай,йөрәк яраланған,Ул шар минең тейеш өлөшөм.Ҡолай-ҡолай йүгерәмен һаман,Ә кешеләр тора көлөшөп.