-6 °С
Болотло
Бөтә яңылыҡтар
Әҙәби мѳхит
24 Ноябрь 2018, 20:22
Әсә күңеле—балала, бала күңеле—далала
—Әсәәәәй, мәмәй... —Сеү, ярһыма, бәләкәсем,Йөрәк майым, аша, балам.—Әсәәәәй, тәтәй...—Ҡайһыныһы? Уйна ғына,Оҡшай икән хәҙер алам.—Йоҡом килә. —Арыныңмы, ҡолонсағым?Хәҙер түшәк йәйеп һалам.—Мин һыуһаным. —Бер аҙ сабыр, һыуҙы һиңәШишмәләрҙән барып алам.—Әсәй һыуыҡ.
—Әсәәәәй, мәмәй...
—Сеү, ярһыма, бәләкәсем,
Йөрәк майым, аша, балам.
—Әсәәәәй, тәтәй...
—Ҡайһыныһы? Уйна ғына,
Оҡшай икән хәҙер алам.
—Йоҡом килә.
—Арыныңмы, ҡолонсағым?
Хәҙер түшәк йәйеп һалам.
—Мин һыуһаным.
—Бер аҙ сабыр, һыуҙы һиңә
Шишмәләрҙән барып алам.
—Әсәй һыуыҡ.
—Өшөнөңмө? Кил, матурым,
Ҡуйыныма һине алам.
—Ауырыйым.
—Тыным менән бар сиреңде
Мин үҙемә һурып алам.
—Ул нимә һуң, әсәй, ә был нимә,
Ер түңәрәк тиҙәр, әсәй, ниңә ?
—Тормошоңда һорауҙарың бик күп булыр,
Барыһына яуап табыр әсәй һиңә.
***********************************************
—Етәр, әсәй, мин бәләкәй түгел инде,
Үҙем беләм, кәрәк түгел кәңәштәрең.
Аңламайһың мине хәҙер, сөнки, әсәй,
Һин бит үҙең олоғайған йәштәһең.
************************************************
—Һаумы, әсәй, хәлең нисек, һаулығың,
Хәҙер кереп мин үҙеңә дарыу алам.
—Иҫән-һаумын, шөкөр балам Хоҙайға,
Тик тауышың ниңә бойоҡ әле, балам?
—Кәңәштәрең етмәй, әсәй, һағындым,
Һорауҙар күп, яуап тапмай абындым.
Йылы эҙләп беләһеңме, әсәйем,
Нисәмә ҡат юрған алып ябындым.
Һыуһап эстем һыуҙың -төрлөһөн,
Әммә, әсәй, танһыҡтарым ҡанманы.
Кисер мине, ҡайтам, әсәй, һағындым,
Инде түҙәр әмәлдәрем ҡалманы.
—Балаҡайым, бәләкәйем, ҡолонсағым,
Иҫән-аман ғына йөрө, көтөп ҡалам.
Ҡанға һеңгән ғәҙәтемде ташлай алмам,
Буй етһә ла әсә өсөн сабый бала.
Яңылышһам әгәр артыҡ иғтибарым менән,
Әпәүләһәм саманан тыш, һин дә кисер.
Тик онотма, бары әсәй, әсәй генә
Был донъяла һине һәр саҡ ғәфү итер.
Боҫло ашы, ҡайнар икмәк, сәйе менән,
Әсәй көтөр, өмөт итер, әсәй көтөр….
Гөлиә Азаматова-Мөкминова.
Читайте нас:
© 1990-2024 Ижтимағи-сәйәси гәзит. 1990 йылдан башлап сыға
Телефон
8(347)752-55-04 баш мөхәррир
Электрон почта
Редакция
8(347)752-55-08
Ҡабул итеү бүлмәһе
8(347)752-55-08