+13 °С
Болотло

Бөтә яңылыҡтар

Әҙәби мѳхит

11 Ноябрь 2018, 17:09

Кемгәлер кәрәк булыу—йәшәүҙең мәғәнәһе

Баймаҡ районының Иҫәнбәт ауылынан Гөлзифа Исрафилованан сираттағы шиғри күстәнәс.Яңғыҙлыҡтан зарыҡҡанда Шиғыр урғый күңелдән.Йөрәгемдең ҡанлы йәшеҠағыҙҙарға түгелгән.Бөгөнгө көн үтте инде,Ни көтә иртән беҙҙе?Көндәр һанап үткәрәбеҙҠалған ғүмеребеҙҙе.

Баймаҡ районының Иҫәнбәт ауылынан Гөлзифа Исрафилованан сираттағы шиғри күстәнәс.

Яңғыҙлыҡтан зарыҡҡанда

Шиғыр урғый күңелдән.

Йөрәгемдең ҡанлы йәше

Ҡағыҙҙарға түгелгән.

Бөгөнгө көн үтте инде,

Ни көтә иртән беҙҙе?

Көндәр һанап үткәрәбеҙ

Ҡалған ғүмеребеҙҙе.

Эш тә юҡ беҙҙең, көш тә юҡ,

Таң ата ла кис була.

Үткән ғүмерҙе уйлаһаң,

Күҙҙәремә йәш тула.

Ҙур йортта тормош гөрләне,

Бер минут буш үтмәне.

Йүгереп йөрөп донъя көттөм,

Хатта тәүлек етмәне.

Көндәр түгел, минуттар ҙа

Ҡәҙерле, мөһим ине.

Әйтерһең дә йәшәйештең

Арҡа һөйәге инем!

Бер көн шулай туғарылып,

Йөкһөҙ ҡалаһың икән.

Тормош тейәлгән арбанан

Төшөп ҡалаһың икән.

Бар нәмәнән рәт китте тип,

Fазраил көтөп ятам.

Был донъяла эшем бөттө...

Килгән еремә ҡайтам.

Ир уртаһы тигән үргә еткәс

Балаларым үҫеп, ҡанатланып,

Ташлап осҡас тыуған ояһын.

Үҙебеҙ өсөн инде йәшәрбеҙ тип,

Ахмаҡ аҡыл менән уйланым.

Парлап осар ҡанат ҡайырылды,

Йәнкәй-йәнәшемдән айырылдым.

Парһыҙ йәшәүҙәрҙең ни йәме?

Яңғыҙ эскән сәйҙең ни тәме?!

Еткән генә инек ғүмерҙәрҙең

Ир уртаһы тигән үренә.

Селпәрәмә итеп хыялдарҙы

Киттең ташлап килгән ереңә.

Ҙур йыһанда бер үҙем

Балаларҙың үҙ тормошо,

Дуҫтар таралып бөткән.

Хәләл ефетем дә күптән,

Китәһе ергә киткән.

Күршеләрҙең үҙ Мәккәһе—

Таныш түгел һинең хәл.

Аңлар һинең хәлде, әгәр,

Яңғыҙ ҡалһа берәй мәл.

Һәр кемдең үҙ мәшәҡәте,

Берәүҙең дә һиндә эше юҡ.

Яңғыҙлыҡтан йөрәк илағанда,

Хәлдәремде аңлар кешем юҡ.

Ҙур йыһанда кеше күп икән дә,

Тик һәр кемдең үҙ яҙмышы.

Хаҡ яҙмышым ҡуйған һынауҙыр,

Яңғыҙлыҡтың әсе һағышы.

Йәйҙәрҙә йәшәп ҡалам

Йәйҙәрем үтеп китеүен,

Һиҙмәйем дә—эшем күп.

Йәйҙәрҙә ҡапҡам ябылмай,

Килер-китер кешем күп.

Түтәлдәрҙә—сәскәләр,

Үлән суҡый бәпкәләр.

Кишер, ҡыяр сәсмәһәм,

Ейәндәрем үпкәләр.

Тыуған йортҡа—йәйге ялға

Балалар ҡайтып тула.

Мәшәҡәттәр арта, ләкин,

Йәшәйешкә ҡот ҡуна.

Терелеп, йәшәреп китәм,

Әйтерһең дә, йәш килен.

Эс бошорға ҡайҙа ваҡыт?

Йәшәү күңелле бөгөн!

Тамырҙарҙан ҡандарым да

Шәберәк аға башлай.

Һөйөнөстән йөрәгем дә

Дәртлерәк ҡаға башлай.

Тыныс ҡына тормошома

Ейәндәрем йән өрә.

Кескәй генә шул кешеләр

Бар донъяма йәм бирә.

Йәшәүемә йәм бирә!

Уйҙар

Баш мендәргә тейеү менән

Йоҡолар китә осоп.

Яңғыҙлығымдың юлдашы—

Уйҙарым ала ҡосоп.

Уйҙарымдың ҡанатлыһы

Алып менә күктәргә.

Таштай ауыр уйҙар иһә

Һөйрәй ҡара гүрҙәргә.

Сыуаҡ әбей саҡтарым

Fүмеремдең әле матур,

Алтын көҙ кеүек сағы.

Сәстәремдә көмөш ептәр—

Көҙҙөң тәүге ҡырпағы.

Ниәтләнгән эштәремдең

Бойомға ашҡан сағы.

Өлгөрмәҫмен тигән уйҙың

Алҡымдан алған сағы.

Ағастарҙың иңдәрендә

Ут ҡыҙыл, һары сатыр.

Күңелдә инде көҙ моңо,

Тойғолар һалҡын, сабыр.

Әбәйҙәрҙең сыуағылай,

Ялтырап торған сағым.

Ялтыр, әммә йылыһы юҡ,

Әйтерһең, ҡышҡы һағым.

Йылға менән серләшеү

Ағын һыуға кереп торҙом

Йылға менән серләшеп.

Эй-й, арыным донъя һиндә

Йәшәр өсөн көрәшеп.

Һыу тамсыһына әйләнеп,

Эх, ағып китһәм ине.

Сит яҡта ла күңелемә

Толҡа табалмам инде.

Аҡ болоттарға эйәреп,

Күккә олғашһам ине.

Күктең етенсе ҡатына

Менеп аҙашһам ине.

Бәлки, шунда күңелемә,

Тынғылар табыр инем.

Айлы төндә йондоҙ булып

Донъяға бағыр инем.

Баҡыйлыҡтан фанилыҡҡа

Тағы бер ҡарар инем.

Утҡа осҡан күбәләктәй,

Аһ, кире ҡайтыр инем.

Йәшәүҙең мәғәнәһе

Һаман сафта әле мин,

Кемгәлер кәрәгем бар.

Һеҙ ти(е)п тибеп тороусы,

Кес кенә йөрәгем бар.

Кемгәлер кәрәк булыу ҙа—

Йәшәүҙең мәғәнәһе.

Ошо уйҙан ҡанатланып,

Йәшәйһе килә әле!

Һин, тиеп тә йән атыусы

Берәүһең булһа тағы.

Ошонан оло кинәнес

Буламы икән тағы?!