-6 °С
Болотло
Бөтә яңылыҡтар
Әҙәби мѳхит
28 Октябрь 2018, 18:30
Пар ҡанатымды һындырма
Гөлиә Мөкминова-АзаматоваЭй, ХоҙайымҺынауҙарың ауыр, Аллам,Көстө ҡайҙан алайым?Нисек кенә уртым сәйнәпСабыр булып ҡалайым.Гонаһтарым күп инемеКисермәнеңме үҙең?Теҙҙәремә тороп һинәнҺорайым тағын түҙем.Ҡөҙрәтең киң, беләм, Хоҙай,Бары һинең ҡулыңда.Ташламасы ярҙамыңданАуыр тормош юлында.
Гөлиә Мөкминова-Азаматова
Эй, Хоҙайым
Һынауҙарың ауыр, Аллам,
Көстө ҡайҙан алайым?
Нисек кенә уртым сәйнәп
Сабыр булып ҡалайым.
Гонаһтарым күп инеме
Кисермәнеңме үҙең?
Теҙҙәремә тороп һинән
Һорайым тағын түҙем.
Ҡөҙрәтең киң, беләм, Хоҙай,
Бары һинең ҡулыңда.
Ташламасы ярҙамыңдан
Ауыр тормош юлында.
Һаулыҡ бир мохтаж затыңа,
Fүмер бир оҙон итеп.
Көс тә кәрәк көрәшергә
Һынауҙарыңды үтеп.
Ҡалдырма бер үк, Хоҙайым,
Ҡайғы урмандарында.
Пар ҡанатымды һындырма
Йәйеп осар сағымда.
Һаулыҡ бир, ғүмер бир,
Аллам,—
Тип үтенәм тағын да.
* * *
Һәр кемдең дә һандығында
Йәшерен «һөлдә»һе бар.
Үкһеп илар мәлендә лә
Йылмайып көлгәне бар.
Соҡонмайыҡ кешеләрҙең,
Серле һандыҡтарында.
Асылмай торғандары бар
Хатта йән дуҫтарына.
Ярһытмайыҡ яраларын,
Яңыртып тырный-тырнай.
Ҡан тама ярһыу йөрәктән
Fәйбәтте тыңлай-тыңлай.
Онотмайыҡ, һәр кемдең дә
Һандыҡта «һөлдә»һе бар.
Йәшле күҙҙәрен йәшереп,
Йылмайып-көлгәне бар.
Атайыма
Һинһеҙ ҡаршылайым тағын, атай,
Нисәнсе ҡат инде яҙҙарҙы.
Ҡояш нуры сағылдырһа күҙҙе,
Тоям төҫлө һинең наҙҙарҙы.
Шаян һүҙең, йылмайыуың етмәй,
Буй-һының да күҙ алдымдан китмәй.
Ваҡыт-дауа, онотола тиҙәр,
Үтә ваҡыт, тик һағышым үтмәй.
Атай-атай, өлгөрмәнем һиңә,
Рәхмәттәрем әйтеп бөтөргә.
«Ҡайтам»,—тиһәң әҙер булыр инем,
Әллә күпме һине көтөргә.
Юҡ шул юлдар, беләм ҡайтыр инең,
Киткән ерең һинең мәңгелек.
Рәхмәттәрем ысын донъяларҙа,
Йәндәреңә бирһен еңеллек.
Тыныс йоҡла, атай-атайым,
Йөрәгемдә һине һаҡлайым.
Читайте нас:
© 1990-2024 Ижтимағи-сәйәси гәзит. 1990 йылдан башлап сыға
Телефон
8(347)752-55-04 баш мөхәррир
Электрон почта
Редакция
8(347)752-55-08
Ҡабул итеү бүлмәһе
8(347)752-55-08