Сибай ҡалаһының "Ирәндек" боҙ һарайына яңы етәксе тәғәйенләнде

1 сентябрҙән Сибай ҡалаһының "Ирәндек" боҙ һарайына директор итеп Наил Нәғим улы Исҡаҡов тәғәйенләнде. Ул 1975 йылда тыуған, юғары иҡтисади белемле.
2001-2009 йылдарҙа Сибай кадастр үҙәгендә инспектор, директор булып эшләгән. 2009-2018 йылдарҙа Сибай баҙарын етәкләне. 2018-2022 йылдарҙа Сибай ҡала хакимиәтендә эштәр идарасыһы вазифаһын башҡарҙы.
Өйләнгән, 2 бала атаһы.