СТУДЕНТТАР МЕНӘН ОСРАШТЫҠ

—Ҡалабыҙҙың 5-се китапханаһында бер төркөм әҙиптәр менән Сибай институты студенттары араһында бик йәнле осрашыу кисәһе үтте. Магнитогорск ҡалаһынан килгән ҡәләм оҫталары Владимир Кутуков, Владимир Бочаров һәм ошо юлдар авторы студенттарға ижади күстәнәстәрен тәҡдим итте. Сибай сәнғәт колледжы егеттәре һәм ҡыҙҙары кисәне баян һәм гитара моңдары менән биҙәне. Талиптар араһында ла өмөтлө шағирәләр барлығына ҡыуанып, ихлас әңгәмәләр ҡороп, күтәренке кәйеф менән таралдыҡ. Матур сара ойошторғандары өсөн китапханасыларға ихлас рәхмәттәребеҙҙе еткерәбеҙ! Изге Рамаҙан айы менән барығыҙҙы ла!—ти журналист, шағир Мотал Рәмов.