Бәләкәй бөжәктең бәләһе ҙур

Ғәҙәттә, беҙ урманға барғанда, ҡырға сыҡҡанда талпан ҡаҙалыуҙан ҡурҡабыҙ. Ысынбарлыҡта был бөжәк, беҙ уйлағанса, кешегә ағастан һикермәй, улар башлыса үлән араһында, бейек булмаған ҡыуаҡлыҡтарҙа йәшәй. Шуға күрә талпан ҡаҙалыу хәүефе яҙғы-йәйге, йәғни уларҙың әүҙем осоронда күп урындарҙа – баҡсала, ялан-ҡырҙа, йылға буйында, хатта эшкәртелмәгән ҡала парктарында ла янай.

Был бәләкәй генә бөжәк кешегә иҫ киткес ҙур зыян килтереүе ихтимал, сөнки ул талпан энцефалиты – баш мейеһен зарарлаусы вируслы сир сығанағы булыуы бар. Башҡортостанда талпандарҙың әүҙемлеге 7 -нән алып 10 балға тәшкил итә. Әгәр талпан зыянлы түгел икән, уның ҡаҙалыуы ла ҡурҡыныс түгел. Сибайҙар өсөн яҡшы яңылыҡ та бар.

-Хәтерегеҙгә төшөрәбеҙ, боррелиоз йөрәкте, нервы системаһын, тирене һәм быуындарҙы зарарлай, инвалидлыҡҡа килтерергә мөмкин. Шуға күрә урманға махсус кейем кейеп барырға, бөжәктән һаҡланыу саралары күрергә кәрәк, - ти Әлиә Юлғотлина табип-инфекционист.