Беҙ таҙалыҡ яҡлы!

Баймаҡ районы Сыңғыҙ ауылында йәшәүсе пенсионерҙар – Дамира һәм Фәйзрахман Усмановтар яҙлы-көҙлө урман буйҙарын, йылға ярҙарын таҙарта. Бөгөн дә улар урман буйын сүп-сарҙан таҙалаған.

Баймаҡ районы Сыңғыҙ ауылында йәшәүсе пенсионерҙар – Дамира һәм Фәйзрахман Усмановтар яҙлы-көҙлө урман буйҙарын, йылға ярҙарын таҙарта. Бөгөн дә улар урман буйын сүп-сарҙан таҙалаған.

--Кешеләр ял итергә сыға ла артынан ҡый ҡалдыра. Аңламайбыҙ. Ошонда бит үҙебеҙ йәшәйбеҙ. Балаларыбыҙға ни ҡалыр? Былай ҙа йылдан-йыл экологиябыҙ бысрай. Донъя кимәлендә әллә нәмәләр ҡыйрата алмаһаҡ та, үҙебеҙ йәшәгән төйәкте таҙа тота алабыҙ бит. Ауылға контейнерҙар ултыртылды. Ҡый тапшырһаҡ та, бөтә ҡыйымды мейескә яғам, ҡыйым юҡ, тип һылтанһаҡ та, барыбер ҡаты ҡалдыҡ өсөн хаҡ алалар. Шулай булғас, ниңә сүп-сарҙы контейнерға илтмәҫкә һуң? Уны йылға, урман буйына ташлау менән хәлдәр яҡшырып китмәй бит. Етмәһә, йылдар буйы серемәй торған әйберҙәр була. Зинһар, үҙебеҙ эскән һыуға үҙебеҙ төкөрмәйек, үҙебеҙ ултырған ағас ботағын сапмайыҡ! Балаларыбыҙға, ейән-ейәнсәрҙәребеҙгә таҙа ер ҡалдырайыҡ, үҙҙәрен дә бөгөндән тәртипкә, таҙалыҡҡа өйрәтәйек,--ти Усмановтар.

Әйткәндәй, пенсионерҙар бөгөнгө өмәләрен Еңеү көнөнә бағышлаған.

Изге Рамаҙан айында ҙур сауап алыусы Усмановтарға ныҡлы һаулыҡ теләйбеҙ.

Читайте нас:

Новости партнеров

1 ғинуарҙа саҡ үлемдән ҡалған

Соңгы кыңгырау кайчан яңгыраячак?

«Бумага» не сдаётся