АТАЙСАЛ
-13 °С
Болотло
Антитеррор
Бөтә яңылыҡтар
Замандаш
3 Декабрь 2018, 12:28

Һөнәре бар—ҡәҙерле

Хәйбулла районының Вәлит ауылы мәктәбенә эш буйынса барғанда туҡланыу мәсьәләһе менән ҡыҙыҡһындыҡ. 2018-2019 уҡыу йылында башланғыс мәктәп булараҡ ҡына эшләгән был белем усағының 17 уҡыусыһын ашнаҡсы Әҡлимә Мортазина йылы аштары менән һыйлай.

Хәйбулла районының Вәлит ауылы мәктәбенә эш буйынса барғанда туҡланыу мәсьәләһе менән ҡыҙыҡһындыҡ. 2018-2019 уҡыу йылында башланғыс мәктәп булараҡ ҡына эшләгән был белем усағының 17 уҡыусыһын ашнаҡсы Әҡлимә Мортазина йылы аштары менән һыйлай.
—Быға тиклем төп белем биреү мәктәбе булараҡ эшләгәндә 50-ләп балаға ашарға бешерә инем. Быйыл уҡыусылар һаны ҡырҡа кәмене,—ти мәктәп ашханаһында 15 йылға яҡын эшләүсе Әҡлимә Йәүҙәт ҡыҙы.—Эш урынымда бөтә уңайлы шарттар ҙа тыуҙырылған: һыу үткән, яңы өҫтәл, стелаждар алдыҡ. Аҙыҡ-түлекте район үҙәгенән ебәрәләр, меню ла үҙҙәре төҙөй. Миңә тәмле итеп яраштырырға ғына ҡала. Һаулыҡ торошо туҡланыуға бәйле икәнен яҡшы аңлайбыҙ, шуға балаларҙы йылы аштан өҙмәйбеҙ.
Әҡлимә Мортазина Баймаҡтың 58-се һөнәрселек училищеһында уҡыған. Тәүҙә ауыл хужалығында эшләй ул. Әлегәсә үҙ һөнәренә тоғро ҡалған ҡатын—6-сы разрядлы ашнаҡсы. Уның бешергән аштарын уҡыусылар ҙа, ата-әсәләр ҙә маҡтай.
Әҡлимә Йәүҙәт ҡыҙы ғаиләһе менән дә өлгөлө. Ире Рим Татлыбай улы менән Дим, Әлиә, Вәлит исемле матур балалар үҫтергән. Ә ҡатын-ҡыҙға тағы нимә кәрәк?! Күңел һалған эшең, яратҡан ғаиләң булыу—үҙе үк оло бәхет.