Бөтә яңылыҡтар
Ҡулыңдан һөйөн
14 Ноябрь 2022, 15:35

Тау сәнәғәте эшселәренең ҡулы оҫта

«Башҡорт баҡыры» предприятиеһы хеҙмәткәрҙәре ижади оҫталығы менән һоҡландыра  «Башҡорт баҡыры» предприятиеһы хеҙмәткәрҙәре араһында уҙғарылған «Үҙ ҡулдарым менән матурлыҡ тыуҙырам» ижади эштәр бәйгеһенә йомғаҡ яһалды. Егерменән ашыу оҫта конкурсҡа бронза скульптураларынан алып бәйләнгән һалабашҡа тиклем төрлө техникала башҡарылған ҡул эштәрен тәҡдим иткән. Конкурс предприятиела ҡул аҫтындағы материалдан ысын сәнғәт әҫәрен эшләй алған байтаҡ ижади, мауыҡтырғыс кешеләр эшләүен күрһәтте. Мәҫәлән, Гөлсиә Сәғәҙиева 2017 йылдан башлап традицион башҡорт түшелдеректәрен эшләй. Был күп көс талап иткән, ҙур иғтибар һәм түҙемлек талап иткән шөғөл. Алтын һәм көмөш тегеү, сәйлән һәм ынйы менән биҙәлгән ҡатын-ҡыҙҙар өсөн рус халыҡ баш кейемдәрен Ирина Смирнова эшләй. Бындай матурлыҡты музейҙарҙа ғына күрһәтергә! Сәнәғәт пейзаждары һәм тыуған тәбиғәт матурлығы Йәмилә Мөхәмәтдинованың картиналарында сағылыш тапҡан, ә Рафаэль Торсонбаев патриотик тематиканың ҡәләм һыҙмаларын ҡуйған.

Тау сәнәғәте эшселәренең ҡулы оҫта
Тау сәнәғәте эшселәренең ҡулы оҫта

Сигелгән картиналар - ысын мәғәнәһендә оло хеҙмәте ул. Мәҫәлән, тикшеренеү лабораторияһы хеҙмәткәре Елизавета Тимерйәнова үҙенең «Өс бесәй балаһы» картинаһын өс йыл тиерлек теккән! Конкурсҡа үҙ эштәрен Анна Сахно, Дарья Евтеева һәм Айгөл Әбүбәкирова ла тәҡдим итте. Һуңғыһы, әйткәндәй, һүрәттәрен сигеп кенә ҡалмай, йылы һәм еңел шәлдәр бәйләй ҙә. Ғөмүмән, бәйләү - ул предприятиеның бик күп хеҙмәткәрҙәренең шөғөлө. Конкурс сиктәрендә ойошторолған күргәҙмәлә Әнисә Юланованың бәйләнгән тапочкиларын, Венера Әлмәтованың юбкаларын һәм кәпәстәрен, Яҙгөл Йәнбирҙинаның интерьер элементтарын, Рита Сәйетбаталованың бәйләнгән уйынсыҡтарын, Луиза Латипованың макраме стилендәге фәрештәләрен һәм Альбина Иманбаеваның бәйләнгән һалабаштарын күрергә мөмкин ине.

Жюриға еңеүселәрҙе билдәләү еңелдән, шуға күрә жюри бер ҡатнашыусынан тыш башҡаларҙың барыһына ла бер тигеҙ билдәләргә ҡарар итә. Гран-приҙы хаҡлы рәүештә Сергей Блохин яуланы. Ул конкурсҡа йәшмә өҫтәлдәрендә үҙе ҡойолған бронза скульптураларҙы ҡуйған. Нәфис ҡойоу менән ул ике тиҫтә йыл шөғөлләнә. Уның йорт оҫтаханаһында таш уйыу һәм ҡойоу ҡорамалдары ҡуйылған. Эштәре өсөн темаларҙы ул үҙе уйлап таба, ә бына материал үҙе йыя. Металл һыныҡтарҙа - бронза, ә йәшмә эргә-тирәләге тауҙар буйлап йөрөгәндә таба.

фото һәм мәғлүмәт:«Башҡорт баҡыры» предприятиеһы

Тау сәнәғәте эшселәренең ҡулы оҫта
Тау сәнәғәте эшселәренең ҡулы оҫта
Автор:Гульдар Кадаева