Йүкә -- көнкүрештә кәрәкле, шифалы ағас

Хәйбулла районының Йәнтҽш ауылында йәшәүсе Вәлиәхмәт Исҡужин йүкәнән бумала яһау буйынса оҫталыҡ класы күрһәткән. Сарала ҡатнашыусы ҡатын-ҡыҙҙар тәбиғи материалдан мунса йыуғыстары эшләгән. -Элҽк буялмаған иҙәнде йүкә йыуғыс менән йыуғандар. Ошолай иткәндән һуң иҙән таҡталары һап- һары булып ҡалған. Ауылда әле лә мунсала йыуынғанда тик йүкә ышҡынғысы ҡулланғандар бик күп. Ул экологик яҡтан хәүефһеҙ ҙә, шифалы ла, -- ти йәнтештәр.

Белешмә өсөн:

Йүкә иң күп продукция биргән ағас. Ул үҫкән бер гектар ерҙән
1 тонна 200 килограмм тирәһе бал алырға мөмкин. Ағасы кәрәккә ныҡ ҡулланыла. Сувенирҙар эшләргә ипкә килә, йомшаҡ. Ҡалаҡ, батман кеүек һауыт-һаба яһайҙар. Сәскәһе — ҙур дауа, йүкә балының шифаһы тураһында, әйтмәһәң дә, бөтәһе лә белә. Һалҡын тейгәндә йүкә сәскәһе һалынған сәйҙе баллап эсһәң, тирләтеп ебәрә, сир ҡаса.
Ҡайырыһы һарыуысҡа ҡуйыла. Ҡорт айырған саҡта шуның еҫенә барып һарыла. Ҡабығын санаға түшәп ултырып йөрөйһөң. Шулай уҡ һалабаш итеп яһап, йүкә йыуғыс, атҡа септә, ҡап һуҡҡандар, бау, арҡан ишкәндәр. Мунса бураһын күптәр йүкәнән күтәрә, тәмле еҫе сығып тора.

Йүкә -- көнкүрештә кәрәкле, шифалы ағас

Автор:Гульдар Кадаева