«Әгәр ҙә кеше алдауын һәм ялғанланыуын туҡтатмаһа, ашауҙан һәм эсеүҙән баш тартыуы Аллаһҡа кәрәкмәй» (әл-Бохари)
🔸«Өс кешенең доғаһы кире ҡағылмай:
1)Ауыҙ асҡансы ураҙа тотоусының
2)Ғәҙел хакимдың
3)Ҡыйырһытылған кешенең» (Әхмәд, әт-Тирмиҙи)
🔸«Әгәр ҙә кемдер (ураҙа ваҡытында) онотолоп китеп ашап йә эсеп ташлаһа, ураҙаһын артабан дауам итһен. Сөнки, дөрөҫлөктә, Аллаһ уны ашатты һәм эсерҙе» (әл-Бохари, Мөслим)
🔸«Рамаҙан айы еткәс, күк ҡаплары асыла, Тамуҡ ҡапҡалары ябыла һәм шайтандар бығаулана» (Әл-Бохари)
🔸«Кем Рамаҙан айында әжергә ышанып һәм өмөтләнеп ураҙа тотҡан, шуның быға тиклем булған гонаһтары ғәфү ителер» (әл-Бохари, Мөслим)
🔸«Рамаҙан айында Аллаһҡа зикер итеүселәр ғәфү ителер. Һәм Аллаһтан һораусыларҙың доға кире ҡағылмаҫ» (Мөслим)
🔸«Таң алдынан ашағыҙ, сөнки сәхәрҙә бәрәкәт бар» (әл-Бохари)
🔸«Кемегеҙҙер ауыҙ асһа, финик менән ауыҙ асһын. Сөнки бында бәрәкәт бар. Финик булмаһа, һыу менән ауыҙ асығыҙ. Сөнки был да таҙартыусы нәмәләрҙән» (әт-Тирмиҙи)
🔸«(Ауыҙ асыр ваҡытта) тиҙерәк ураҙаларын туҡтатырға ашығыусылар изгелектә булыр» (Мөслим)
🔸«Дөрөҫлөктә, Ожмахта әр-Раййан тигән ҡапҡалар бар. Ҡиәмәт көнөндә уның аша ураҙа тотоусылар инәсәк. Был ҡапҡалар аша, уларҙан башҡа, бер кем үтмәйәсәк» (әл-Бохари)
🔸«Ҡөҙрәтле һәм Бөйөк Аллаһ былай тигән: “Ураҙанан башҡа, Әҙәм балаһының бөтә ғәмәлдәре лә үҙе өсөн эшләнелә. Сөнки, дөрөҫлөктә, ул (ураҙа) - Минең өсөн. Һәм Мин уның өсөн әжерен бирәсәкмен» (әл-Бохари)
🔸«Ҡиәмәт көнөндә ураҙа менән Ҡөрьән Аллаһтың ҡоло өсөн шәфәғәтлек итәсәк. Ураҙа әйтер: “Раббым! Яҡты ваҡытта мин уны ашауҙан һәм эсеүҙән айырҙым. Уның өсөн шәфәғәтлек итергә рөхсәт итсе миңә!” Ә Ҡөрьән былай тиер: “Раббым! Мин уны төндәрен йоҡоһонан айырҙым. Уның өсөн шәфәғәтлек итергә рөхсәт итһәңсе!” Һәм уларҙың шәфәғәте ҡәнәғәтләндерелер» (Әхмәд)
Нәркәс Алсынбаева әҙерләне.