Лавр япрағы майы быуындарға ярҙам итә

Бер кемгә лә сер түгел, өлкәнәйгән һайын быуындарыбыҙ үҙен һиҙгертә башлай. Һыҙлай, хәрәкәтләнеү сикләнә, ауырая. Шул ваҡытта халыҡ медицинаһы ярҙамға килә. Гел генә дарыуҙар, уколдар менән дә булмай бит. Һеҙҙе үҙем ҡулланған һәм файҙаһын күргән лавр япрағы майы менән таныштырып үткем килә. Майҙы әҙерләү яп - ябай. Бының өсөн бер нисә ҡап япраҡ һәм таҙартылмаған көнбағыш , йәки етен, зәйтүн, кукуруз майы кәрәк. Мин 0,5 банкаға 4 ҡап лавр япрағы, өҫтөнә сыҡҡанса йылы(ҡайнар түгел) көнбағыш (нерафинированное) майы ҡойҙом.Ҡояш нурҙары төшмәгән, бүлмә температураһы булған урында ике аҙна тоторға кәрәк. Ара - тирә болғаштырып торорға. Ике аҙнанан һөҙөп алырға, үҙегеҙгә уңайлы һауытҡа ҡойоп, һыуытҡыста һаҡларға. Мин эшләгән күләмдән яҡынса 250-300 г май килеп сыҡты. Төҫө матур, үҙе хуш еҫле генә! Быуындар һыҙлағанда, самалап алып ыуырға. Май тулыһынса тиерлек һеңә. Шулай ҙа дауаланғанда ҡулланырға әрһеҙерәк кейем әҙерләп ҡуйығыҙ😊

Беренсе көндән үк еңеллек тойорһоғоҙ, үҙемдән беләм. Ләкин табипҡа күренергә, тикшеренергә, һыҙланыуҙың сәбәбен асыҡларға кәрәклеген онотмағыҙ, был бик мөһим!
🟢Был майҙың тағы бер файҙаһын күрерһегеҙ - ҡул, аяҡ, табан тиреһе шымарып, йомшарып китә😉😁
Был турала күберәк белергә теләһәгеҙ, Яндекс, Гугл, Википедиянан тулыраҡ мәғлүмәт алырға була.
Сәләмәт булығыҙ!

Лавр япрағы майы быуындарға ярҙам итә

Автор:Гульдар Кадаева