Таҙалыҡ, тәртип үҙебеҙҙең ҡулда!

Республика төбәктәрендә яҙғы өмәләр уҙғарыу матур традицияға әйләнде. Бөгөн дә субботникка Сибай ҡалаһы ойошмалары дәррәү сыҡты. Мәғлүмәт үҙәге коллективы ла үҙ территорияһын йыйыштырҙы: ҡороған ағас ботаҡтарын киҫте, түтәлдәрҙе тәрбиәләне, бордюрҙарҙы һәм ағас олондарын аҡланылар. Ҡар аҫтынан сыҡҡан сүп-сар ҙа йыйып алынғас, тирә-яҡ йәмләнеп ҡалғандай тойолдо. Барығыҙҙы ла яҙғы өмәләрҙә ҡатнашырға саҡырабыҙ. Таҙалыҡ һәм тәртип үҙебеҙҙең ҡулда бит!