Төштәргә инә һаман Афған

15 февралдә Рәсәйҙә хәрби бурысын ватандан ситтә үтәгәндәрҙе иҫкә алыу көнө билдәләнә. Тап ошо көндө 1989 йылда совет ғәскәрҙәре Афған еренән сығарыла. 10 дауам иткән һуғыш ошоноң менән тамамлана. Сибайҙа иҫтәлекле көн уңайынан тантаналы митинг үтте. Тиҫтә йылдан ашыу дауам иткән Афған һуғышында илебеҙҙең бик күп аҫыл улдары һәләк булды. Һандар теле менән әйткәндә 15 меңдән ашыу совет һалдаты ғәзиз башын һалған. Был көндө беҙ афған ерендә генә түгел, башҡа ҡыҙыу нөктәләрҙә һәләк булғандарҙы ла иҫкә алабыҙ.

Сибай ҡалаһында хәрби интернационалистар иҫтәлегенә ҡуйылған һәйкәл янында хәрби хәрәкәттәр ветерандары йыш осраша. Шартлауҙар тынғанға 34 йыл ваҡыт үтһә лә, ул мәхшәрҙе күргәндәр һуғыш михнәттәрен, яуҙа ҡалған иптәштәрен бер ваҡытта ла онотмай.

Ошондай иҫкә алыу саралары кәрәкле. Айырыуса бөгөнгө көндә донъялар тыныс булмаған мәлдә йәш быуында ватанға һөйөү тәрбиәләү өсөн бигерәк әһәмиәтле. Әлеге мәлдә алғы һыҙыҡта булған яҡташтарыбыҙҙың да тиҙерәк еңеү яулап тыуған яҡҡа имен-һау әйләнеп ҡайтыуҙарын теләйбеҙ.

Төштәргә инә һаман Афған

Автор:Гульдар Кадаева